Bank va moliya yo‘nalishi 2016-yilda bank, moliya va buxgalteriya hisobi bilan shug‘ullanish uchun bugungi jamiyat va iqtisodiyot talablariga mos maxsus ixtisoslashtirilgan ta’lim dasturi sifatida tashkil etilgan. Yo‘nalishning asosiy maqsadlaridan biri talabalarni banklar, buxgalteriya va moliya sohalarida raqobat muhitiga kirish uchun bilim va ishonch bilan ta’minlashdir. Shuningdek, ushbu yo‘nalish talabalarga zamonaviy biznes muhitida qo‘lga kiritilgan bilim va ko‘nikmalarni qo‘llash va kasbiy rivojlanish imkoniyatini yaratadi. Bank va moliya yo‘nalishi talab qilinadigan sifatli o‘qitish standartlari doimiy ravishda yangilanib, xalqaro ta’lim standartlariga javob beradi. Hozirgi kunda yo‘nalishda 15 dan ortiq ilmiy xodim ish olib boradi. Ushbu yo‘nalish tomonidan taqdim etilgan bakalavr dasturlari quyidagilarni o‘z ichiga oladi: Bank ishi va moliya; Moliya, sarmoya va risk menejmenti; Buxgalteriya ishi va moliya.

Yo‘nalish kadrlarni tayyorlash, korporativ aloqani mustahkamlash va sifatni ta’minlashga katta e’tibor beradi. Bank ishi va moliya sohasi tez rivojlanayotgani barchamizga ma’lum, shuning uchun bizning asosiy vazifalarimizdan biri moliya, buxgalteriya ishi va bank sohalarida sifatli ta’lim beruvchi institut sifatida o‘z o‘rnimizni yanada mustahkamlashdan iborat.

 

AXLIYOR IBRAGIMOV

Lavozim: Xalqaro bozorlar operatsiyalari koordinatori Mansubligi: Toshkentdagi Singapur Menejmentni Rivojlantirish Instituti Maktab / Bo'lim: Moliya va bank ishi Email: aibragimov@mdis.uz
Belgilangan matnni tinglash uchun quyidagi tugmani bosing Powered by GSpeech